សមត្ថកិច្ចខេត្តសៀមរាបឃាត់ខ្លួនជនសង្ស័យចំនួនបីនាក់ ពីបទរក្សាទុក ជួញដូរ ចាត់ចែង និងប្រើប្រាស់ខុសច្បាប់នូវសារធាតុញៀន
30-January-2020 | ដោយ ពលមនសិការ
សៀមរាប៖ នៅថ្ងៃពុធ ០៥កើត ខែមាឃ ឆ្នាំកុរឯកស័ក ព.ស ២៥៦៣ ត្រូវនឹងថ្ងៃទី២៩ ខែមករា ឆ្នាំ២០២០ វេលាម៉ោង០៨នឹង២០នាទី កំលាំងការិយាល័យ ប្រឆាំងគ្រឿងញៀនបានបង្ក្រាបបទរក្សាទុកជួញដូរ ចាត់ចែងនឹង ប្រើប្រាស់ដោយខុស ច្បាប់នូវសារធាតុញៀននៅចំនុចបន្ទប់ជួលស្ថិត នៅភូមិទក្សិណខាងត្បូង សង្កាត់គោកចក ក្រុង/ខេត្តសៀមរាប ឃាត់ខ្លួនជនសង្ស័យចំនួន០៣នាក់។
ក្នុងប្រតិបត្តិការនេះ សមត្ថកិច្ចធ្វើការបង្ក្រាប និងដកហូតវត្ថុតាងបានរួមមានៈម្សៅមេតំហ្វេតាមីនប្រភេទទឹកកក ចំនួន ០១កញ្ចប់ ស្មើនឹងទម្ងន់ ២,៩ក្រាម ទាំងសំបក ជញ្ជីងថ្លឹងគ្រឿងញៀនចំនួន ០១ គ្រឿង ទូរស័ព្ទដៃចំនួន ០៥គ្រឿង ឧបករណ៍ប្រើប្រាស់ និងសំភារៈវេចខ្ចប់គ្រឿងញៀនមួយចំនួន។
បច្ចុប្បន្ន ជនសង្ស័យត្រូវបានសមត្ថកិច្ចធ្វើការឃាត់ខ្លួន និងកសាងសំណុំរឿងបញ្ចូនទៅសាលាដំបូងខេត្ត ដើម្បីអនុវត្តតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ4731
- ម្សិលមិញ15681
- សប្តាហ៍នេះ63571
- ខែនេះ85451
- ឆ្នាំនេះ85451
- សរុប20527907